Пададзеная заяўка на правядзеньне 27 лістапада "Слуцкага збройнага чыну"

12 лістапада Партыя «Беларускі Народны Фронт» падала заяўкі на правядзенне ўрачыстых масавых мерапрыемстваў з мэтай ушанавання памяці ўдзельнікаў Слуцкага паўстання 1920 г.

У Менскі абласны выканаўчы камітэт была пададзеная заяўка ад імя старшыні Партыі БНФ Аляксея Янукевіча на ўшанаваньне месцаў, зьвязаных з падзеямі Слуцкага збройнага чыну ў вёсках Грозава, Семежава і Чырвоная Слабада (Вызна). У слуцкі гарадзкі выканаўчы камітэт ад імя старшыні Партыі БНФ Аляксея Янукевіча і кіраўніка слуцкай суполкі Партыі БНФ Віталя Амяльковіча - на правядзеньне мітынгу ў Слуцку. Мітынг заплянаваны на 27 лістапада на 14:00 на гарадзкім стадыёне (вул. Леніна, 120а).

З 1980-х гадоў 27 лістапада адзначаецца пэўнай часткай беларускага грамадзтва як Дзень Герояў. Афіцыйная ўлада дагэтуль ігнаруе гэтае антыбальшавісцкае паўстаньне.