На сустрэчу з будучым прэзідэнтам прыйдзе 20 чалавек?
Аршанскія гарадскія ўлады вызначылі спіс памяшканняў для правядзення сустрэч кандыдатаў у Прэзiдэнты Рэспублiкi Беларусь, iх давераных асоб з выбаршчыкамі, а таксама для перадвыбарчай агітацыі.
Беларусь з'яўляецца прэзідэнцкай рэспублікай, таму выбары прэзідэнта ў нашай краіне маюць асаблівую важнасць. Той, хто вырашыў, што па гэтай прычыне для сустрэч з будучым прэзідэнтам будуць выдзелены самыя вялікія і абсталяваныя залы, вельмі памыліўся.
З 11 прапанаваных памяшканняў 6 уяўляюць сабой актавыя залы агульнаадукацыйных школ, у якіх можна размясціць 20-30 чалавек. Ну, максімум 40, калі паставіць дадатковыя крэслы ў праходах. Не больш.
У той жа час у прадстаўлены спіс не патрапілі самыя вялікія ў горадзе залы - Гарадскога цэнтра культуры, Палаца культуры льнокамбінату, дамоў культуры чыгуначнікаў і машынабудаўнікоў і г.д.
"Праваабаронцы за свабодныя выбары"
