Орша: Агітацыя - на ўскраінах
Аршанскі гарвыканкам нарэшце апублікаваў 18 лістапада рашэнне № 1710, якое вызначае месцы для правядзення ў паведамляльным парадку масавых мерапрыемстваў, якія арганізуюцца кандыдатамі ў Прэзідэнты і іх даверанымі асобамі.
Усяго на тэрыторыі горада такіх месцаў вызначана 14. Як правіла, гэта маланаведвальныя тэрыторыі на гарадскіх ускраінах. Сярод іх спартыўная пляцоўка ў глыбіні двароў, чатыры (!) месцы каля крам у прыватным сектары горада. Адно з месцаў наогул знаходзіцца ў абсалютна бязлюдным мемарыяльным парку Герояў.
Спіс прапанаваных месцаў больш адпавядае ўзроўню выбараў якога-небудзь вулічнага або квартальнага камітэта, але ніяк не выбараў Прэзідэнта суверэннай дзяржавы ў цэнтры Еўропы. Цалкам немагчыма сабе ўявіць, каб дзейны прэзідэнт, які таксама з'яўляецца кандыдатам на маючых адбыцца выбарах, сустракаўся з жыхарамі Оршы ў бязлюдным парку або цёмнай падваротні. Тады для каго ж Аршанскі гарвыканкам вызначыў гэтыя тэрыторыі? Пытанне застаецца адкрытым.
"Праваабаронцы за свабодныя выбары"
