Пінская ТВК абвесціла вынікі праверкі падпісных лістоў

На афіцыйным сайце Пінскага гарвыканкаму размешчана паведамленне Пінскай гарадской выбарчай камісіі па выбарах Прэзідэнта Рэспублікі Беларусь аб колькасці сапраўдных подпісаў, сабраных за прэтэндэнтаў у кандыдаты. Усяго падпісныя лісты ў Пінску здалі 8 ініцыятыўных груп. Для іх праверкі было адабрана па 20% подпісаў, паданых за кожнага кандыдата. У выніку атрымаліся наступныя лічбы:

Лукашэнка А.Р. - 16 660 подпісаў;

Міхалевіч А.А. - 2 360 подпісаў;

Раманчук Я.Ч. - 2 285 подпісаў;

Кастусёў Р.А. - 1 071 подпіс;

Саннікаў А.А.  - 809 попісаў;

Рымашэўскі В.А. – 652 подпісы;

Цярэшчанка В.І. - 525 подпісаў;

Някляеў Ул. П.   - 234 подпісы.

У публікацыі не пазначана колькасць забракаваных ТВК подпісаў, хаця вядома, што прызнаныя несапраўднымі подпісы былі. Па словах незалежнага назіральніка пры пінскай ТВК, падчас праверкі падпісных лістоў ён атрымліваў дастатковую інфармацыю і быў асабіста запрошаны на паседжанне камісіі.

“Праваабаронцы за свабодныя выбары”