Гомель: Абласная арганізацыя АГП вылучае ва ўчастковыя камісіі 122 чалавекі

Гомельская абласная арганізацыя Аб'яднанай грамадзянскай партыі вырашыла вылучыць у склад участковых камісій па выбарах прэзідэнта 122 сваіх сябра. У тым ліку ва ўчастковыя камісіі Гомеля будуць прапаноўвацца кандыдатуры 71 партыйца. 

“Мяркую, што хутчэй за ўсё, з прапанаваных 122 чалавек у камісіі ўключаць аднаго-двух сябраў партыі, і тое дзе-небудзь на перыферыі”, – пракаментаваў старшыня абласной арганізацыі АГП Васіль Палякоў.

Падчас выбараў у мясцовыя Саветы, што адбыліся вясной 2010 года, гомельская абласная арганізацыя АГП вылучала ва ўчастковыя камісіі больш за 100 прэтэндэнтаў. Але ў склад камісій было ўключана толькі восем чалавек, і з іх ніводны ў Гомелі.

“Праваабаронцы за свабодныя выбары”