Брэсцкая вобласць: Партыйцы намераны прысутнічаць пры фармаванні ўчастковых камісій

Брэсцкая абласная рада Партыі БНФ накіравала 12 сваіх актывістаў у розных раёнах на паседжанні выканкамаў па фармаванні ўчастковых выбарчых камісій. Партыйная структура спасылаецца на ч. 5 арт. 34 Выбарчага кодэкса, якая прадугледжвае права прысутнічаць на паседжаннях па фармаванні камісій прадстаўнікоў тых суб’ектаў, якія вылучылі ў іх склад сваіх прадстаўнікоў.

Адзін з накіраваных прадстаўнікоў Партыі БНФ Зміцер Траццяк выказвае спадзяванне, што вызначаная законам працэдура будзе выканана, а фармаванне ўчастковых камісій будзе празрыстым.

“Праваабаронцы за свабодныя выбары”