Барысаў. АГП і РЭП вылучаюць каля паўсотні прадстаўнікоў ва ўчастковыя камісіі
Барысаўская гарадская арганізацыя Аб'яднанай грамадзянскай партыі і Барысаўская гарадская першасная прафсаюзная арганізацыя Беларускага прафесійнага саюзу работнікаў радыёэлектроннай прамысловасці (РЭП) дэлегавалі ў склад участковых камісій 49 прадстаўнікоў.
Такім чынам, у склад сарака ўчастковых камісій у горадзе Барысаве дэлегаваны прадстаўнікі АГП і яшчэ дзевяці - прадстаўнікі РЭП. Пры гэтым, Барысаўская гарадская першасная прафсаюзная арганізацыя Беларускага прафесійнага саюзу работнікаў радыёэлектроннай прамысловасці (РЭП) асобным пратаколам накіравала праваабаронцу Марыну Статкевіч (якая, дарэчы, дэлегавана пярвічкай РЭП у сябры адной з УВК) на паседжанне Барысаўскага райвыканкама па фармаванні складу ўчастковых камісій у якасці свайго назіральніка.
Апошняя акалічнасць выклікана тым, што заява назіральнікаў Барысаўскай ТВК Марыны Статкевіч і Алега Мацкевіча ў мясцовы райвыканкам з просьбай назіраць за працай па фармаванні ўчастковых камісій, так і засталася без адказу. Магчыма, што ў якасці прадстаўніка РЭП праваабаронца ўсё ж зможа ўбачыць працэдуру фармавання УВК.
"Праваабаронцы за свабодныя выбары"
