Баранавічы: Больш за ўсё сабрана подпісаў за Статкевіча і Уса, менш за ўсё – за Някляева
29 кастрычніка баранавіцкія сябры ініцыятыўных груп дэмакратычных прэтэндэнтаў у прэзідэнты падсумоўваюць вынікі збору подпісаў. Як паведаміў кіраўнік ініцыятыўных груп Мікалая Статкевіча і Дзмітрыя Уса ў Баранавічах Яраслаў Грышчэня, за кожнага з прэтэндэнтаў яны сабралі больш чым па 6 000 подпісаў выбаршчыкаў. Грышчэня кіраваў і баранавіцкай ініцыятыўнай групай Яраслава Раманчука, якая сабрала 3 510 подпісаў выбаршчыкаў. Уладзімір Гундар кіраваў ініцыятыўнай групай Алеся Міхалевіча ў Баранавічах і здаў у ТВК 4 212 подпісаў грамадзян горада. Віктар Мезяк, як кіраўнік баранавіцкай ініцыятыўнай групы Андрэя Саннікава, сказаў, што ў Баранавічах за яго сабрана 3 960 подпісаў, а Таццяна Малашчанка адзначыла, што за Віталя Рымашэўскага ў Баранавічах сабрана 2 855 подпісаў. Найменшую колькасць подпісаў у Баранавічах (каля 2-х тысячаў) сабрана і здадзена ў ТВК за Уладзіміра Някляева.
Адзначым, што ў выніку праверкі подпісаў названыя лічбы могуць істотна зменшыцца.
Назіраць за працэдурай праверкі сапраўднасці подпісаў выказаў жаданне назіральнік ад ТБМ у гарадской тэрытарыяльнай выбарчай камісіі Сяргей Гоўша.
"Праваабаронцы за свабодныя выбары"
Фота: шыльда Баранавіцкай ТВК.
