Пінск: Пакуль агучана толькі колькасць подпісаў, сабраная за Рыгора Кастусёва

Сябры ініцыятыўнай групы Рыгора костусева сабралі больш за тысячу подпісаў у ягоную падтрымку ў якасці кандыдата ў прэзыдэнты. Зараз ідзе працэс вычыткі падпісных лістоў, а заўтра іх занясуць у пінскую гарадскую выбарчую камісію.  Чальцы ініцыятыўнай групы спадара Костусева кажуць, што на гэтым этапе выбарчай кампаніі ніякіх перашкод ім не было. Яны спакойна збіралі подпісы ў пікетах і ў кватэрах пінчукоў.

У Пінску працавалі ініцыятыўныя групы іншых прэтэндэнтаў на пасаду прэзыдэнта. А менавіта Яраслава Раманчука, Уладзіміра Някляева, Алеся Міхалевіча і Аляксандра Лукашэнкі. Каардынатары гэтых ініцыятыўных груп абяцалі паведаміць колькасць сабраных подпісаў пазней.

“Праваабаронцы за свабодныя выбары”