Брэст: Каб падпісацца за Лукашэнку, супрацоўнікаў «Белпошты» выклікалі з адпачынку

Як стала вядома праваабаронцам, у Брэсцкім філіяле рэспубліканскага унітарнага прадпрыемства паштовай сувязі «Белпошта» супрацоўнікам падраздзяленняў прапаноўвалі ў масавым парадку падпісацца за вылучэнне кандыдатам у прэзідэнты Беларусі Аляксандра Лукашэнкі. Па наяўнай інфармацыі, такое ўказанне зыходзіла ад намесніка дырэктара філіяла Вольгі Юрашевіч. Некаторым работнікам, якія знаходзяцца ў цяперашні час у чарговым адпачынку, нават тэлефанавалі дадому і прапаноўвалі з'явіцца на працу, каб паставіць свой подпіс за вылучэнне гэтага кандыдата.
 
«Праваабаронцы за свабодныя выбары»