Гродна: Ва ўчастковыя камісіі вылучаюць цэлымі спісамі
Гродзенскія ўлады распачалі актыўную працу па вылучэнні ва ўчастковыя камісіі. Па некаторых дамах зафіксаваныя выпадкі, што да людзей прыходзяць і прапаноўваюць падпісацца за вылучэнне ў склад участковай камісіі вялікага спісу чалавек – патэнцыйна цэлага яе складу. Прыкладам, такое дакладна зафіксавана ў доме №3 па вуліцы Каліноўскага, па якім хадзілі два маладых чалавекі і прапаноўвалі падпісацца ў падтрымку адразу ажно 19 чалавек, пераважна супрацоўнікаў спартыўнага комплексу “Нёман”, што знаходзіцца побач. Такім чынам фармуецца камісія ўчастку №2, месца знаходжання якой – дзяржаўная ўстанова “Гродзенскі цэнтр алімпійскага рэзерву па хакею з шайбай”. Многія з жыхароў слушна палічылі, што “такі хакей ім не патрэбен” і адмовіліся падпісвацца.
"Праваабаронцы за свабодныя выбары"
