Баранавічы: Па зборы подпісаў лідзіруе ініцыятыўная група Статкевіча

У Баранавічах ініцыятыўная група Мікалая Статкевіча сабрала каля 4 тысяч подпісаў. Пакуль гэта найбольшая лічба з усіх дэмакратычных прэтэндэнтаў у кандыдаты па гораду Баранавічы. Гэтая лічба нават большая за тую, якую аб’яднаная апазіцыя сабрала ў 2006 годзе за Аляксандра Мілінкевіча.

23 кастрычніка Мікалай Статкевіч наведаў Баранавічы, дзе сустрэўся са сваёй ініцыятыўнай групай і прыняў удзел у пікеце па збору подпісаў у цэнтры горада. Многія грамадскія актывісты асцерагаліся, што цікавасць да пікетаў па збору подпісаў хутка пойдзе на спад. Аднак такія меркаванні пакуль не спраўджваюцца: выбаршчыкі працягваюць актыўна падпісвацца.

“Праваабаронцы за свабодныя выбары”