Салігорск: Ці запросяць назіральніка на праверку падпісных лістоў?
Прадстаўнік БХК у Салігорску Леанід Мархотка
Этап збору подпісаў падыходзіць да завяршэння. Як сведчыць практыка мінулых кампаніяў, выбарчыя камісіі далёка не заўсёды паведамляюць назіральнікам пра паседжанні, звязаныя з праверкай падпісных лістоў. Таму Л.Мархотка, цяпер ужо акрэдытаваны пры Салігорскім выбаркаме назіральнік, накіроўваў у выбарчую камісіію зварот з просьбаю загадзя паведаміць пра месца і час правядзення адпаведных праверак.
"У сваім звароце мы асабліва падкрэслівалі неабходнасць прысутнасці назіральнікаў у любы час працы камісіі. Пісьмовы адказ выбаркаму, на жаль, рэгламент маёй прысутнасці аніяк не раскрывае і толькі канстатуе факт маёй акрэдытацыі. Што праўда, вусна прадстаўнікі выбарчай камісіі абяцалі мне абсалютную празрыстасць і магчымасць весці назіранне ў любы час. Таму адназначныя высновы покуль рабіць рана. Паглядзім як будзе складвацца сытуацыя, што называецца, у рэале", - паведаміў праваабаронца.
"Праваабаронцы за свабодныя выбары"
