Пінск: У студэнцкія інтэрнаты зборшчыкаў подпісаў не пускаюць

Пра гэта паведамляе Віталь Каратыш, сябра ініцыятыўнай групы А.Міхалевіча, які спрабаваў прайсці ў інтэрнат Палескага дзяржаўнага ўніверсітэта.

На вахце спадару Каратышу паведамілі, што інтэрнат мае адмысловы рэжым наведванняў, таму хадзіць па пакоях староннім людзям недазволена. Прычым у размове супрацоўніца адміністрацыі інтэрната сцвярджала, што студэнты ўжо паставілі свае подпісы за А.Лукашэнку.

Падобная карціна адбывалася і ў інтэрнаце Пінскага медыцынскага каледжа.

“Праваабаронцы за свабодныя выбары”