Пінск: Збор подпісаў без пасведчанняў

У пікетах, якія праводзіць пінская арганізацыя “Белая Русь” па зборы подпісаў за вылучэнне кандыдатам у прэзідэнты А. Лукашэнкі, подпісы збіраюць людзі, якія не маюць пасведчанняў сяброў ініцыятыўнай групы. Мясцовы праваабаронца Аляксандар Рамановіч адзначыў, што жыхары Пінску некалькі разоў казалі яму пра такія выпадкі. Апошні раз гэта адбылося ў мінулую пятніцу, 15 кастрычніка. У пікеце побач з прахадной ААТ “Палессе” падпісныя лісты запаўняла жанчына, якая ў адказ на просьбу паказаць сваё пасведчанне выклікала намесніка па ідэалогіі гэтага прадпрыемства. Ідэолаг паведаміў, што подпісы збірае ён, а кабета проста дапамагае афармляць падпісныя лісты.

“Праваабаронцы за свабодныя выбары”