Баранавічы: цікавасць людзей да пікетаў паменшылася

У Баранавічах у выходныя дні колькасць пікетаў па зборы подпісаў за вылучэнне Уладзіміра Някляева павялічылася ў 2 разы. Сябры ягонай ініцыятыўнай групы ў працоўныя дні традыцыйна збіраюць подпісы выбаршчыкаў каля чыгуначнага вакзала “Баранавічы-Палескія”, ў цэнтры горада ля гандлёвага дому “Вясёлка” і на цэнтральным кірмашы. 16 і 17 кастрычніка пікеты дадаткова з’явіліся на “Палескім кірмашы” і на аўтобусным вакзале.

Грамадскі актывіст Вячаслаў Болбат адзначае, што ў апошнія дні цікавасць людзей да пікетаў значна паменшылася, аднак цалкам адмаўляцца ад гэтай формы збору подпісаў пакуль не збіраюцца. У выходныя дні баранавіцкія сябры ініцыятыўнай групы Уладзіміра Някляева выехалі таксама ў раённыя цэнтры Ганцавічы і Ляхавічы, каб падтрымаць мясцовых зборшчыкаў подпісаў.

“Праваабаронцы за свабодныя выбары”