Бабруйск: Школьніцы збіраюць подпісы за вылучэнне настаўніцы ва ўчастковую камісію

Вучаніцы школы № 22, якая знаходзіцца па адрасе завулак 3-ці Камбінацкі,2, збіралі подпісы за вылучэнне сваёй настаўніцы ва ўчастковую камісію. Пра гэта бабруйскім праваабаронцам распавяла сябра ініцыятыўнай групы Віталя Рымашэўскага Таісія Кабанчук.

- Я была ў сваёй сяброўкі, якая жыве на вуліцы Глінкі, якраз насупраць гэтай школы. У гэты час да яе і прыйшлі школьніцы, якія распавялі, што збіраюць подпісы за свайго класнага кіраўніка. Нажаль, прозвішча настаўніцы сяброўка не запомніла, але з пачуцця шкадобы да дзяцей распісалася. Гэтыя дзяўчынкі збіралі подпісы па суседзях, і, напэўна, людзі не маглі адмовіцца падпісацца за настаўніцу, ды  яшчэ і падлеткам, - мяркуе Таісія Кабанчук.

“Праваабаронцы за свабодныя выбары”