Брэст: Работнікаў фабрыкі сувеніраў прымушаюць падпісацца за Лукашэнку

Як паведамілі супрацоўнікі РУВП «Брэсцкая фабрыка сувеніраў «Славянка», па рашэнні адміністрацыі прадпрыемства ўсіх работнікаў абавязалі прынесці пашпарты, каб паставіць подпісы за вылучэнне кандыдатам у прэзідэнты Беларусі Аляксандра Лукашэнкі. Сваё рашэнне кіраўніцтва фабрыкі сувеніраў матывавала тым, што прадпрыемства знаходзіцца ў падпарадкаванні Кіраўніцтва справамі прэзідэнта РБ, і нежаданне падтрымаць гэтага вылучэнца можа абярнуцца непрыемнасцямі ў адносінах з вышэйстаячай арганізацыяй. Пры гэтым нефармальна работнікам фабрыкі паведамілі, што падпісацца за цяперашняга кіраўніка дзяржавы павінны ўсе, а вось за каго галасаваць на маючых адбыцца выбарах - хай кожны вырашае сам.

«Праваабаронцы за свабодныя выбары»