Чатыры райвыканкамы Віцебшчыны ўжо паведамілі пра стварэнне ўчасткаў для галасавання

На афіцыйных сайтах Аршанскага, Віцебскага, Глыбоцкага і Лёзненскага раёнаў ужо з’явіліся спісы ўчасткаў для галасавання на будучых прэзідэнцкіх выбарах.

Згодна з каляндарным планам бягучай выбарчай кампаніі, утварэнне выбарчых участкаў мусіць адбыцца не пазней за 17 кастрычніка, так што ў чатырох названых вышэй раёнах спрацавалі датэрмінова. Цікава, што ў Віцебскім раёне, на Глыбоччыне і Лёзьненшчыне ўчасткі сфармаваны ў першых днях кастрычніка, пра што сведчаць даты адпаведных пасяджэнняў. А ў Аршанскім райвыканкаме, згодна апублікаванаму на афіцыйным сайце рашэнню, усё адбылося яшчэ 29 верасня, літаральна на заўтрашні дзень пасля ўтварэння раённай выбарчай камісіі.

“Праваабаронцы за свабодныя выбары”