Грамадскія прыёмныя – для грамадзян, гатовых падпісацца за дзеючага прэзідэнта

У час падрыхтоўкі выбараў і збору подпісаў у Гомелі, як і ў розных гарадах Беларусі, стварылі «грамадскія прыёмныя». З якой мэтай гэта адбылося? Адказ мы знайшлі на сайце Гомельскага гарвыканкама: «з мэтай усебаковага, аб'ектыўнага разгляду зваротаў грамадзян Гомельскім гарвыканкамам з кастрычніка адчынена гарадская грамадская прыёмная».  

І ў Брагіне стварылі такую ж прыёмную. Але мэта яе — іншая. «Штодзённа працуе грамадская прыёмная РГА «Белая Русь» па збору подпісаў для вылучэння кандыдатаў у прэзідэнты Рэспублікі Беларусь»

Гэту інфармацыю падцвярджае і дзяржаўнае інфармацыйнае агенства «БЕЛТА». «Збор подпісаў па вылучэнню Аляксандра Лукашэнка кандыдатам у прэзідэнты будзе працягнуты у грамадскіх прыёмных РГА «Белая Русь». Усяго ў краіне было арганізавана 179 пунктаў і пікетаў. Цяпер подпіс можна паставіць і ў 157 грамадскіх прыёмных РГА «Белая Русь», - піша БЕЛТА.

Канечне, так зручней — і на вуліцы мёрзнуць не трэба, і не будзе нагоды для «злых языкоў», якія сцвярджаюць, што ля пікетаў па збору подпісаў за Лукашэнка не так шмат ахвотных, каб паставіць свой подпіс.

“Праваабаронцы за свабодныя выбары”