Брэстчына: На афіцыйных сайтах інфармацыя аб зборы подпісаў адсутнічае

На сайтах раённых выканаўчых камітэтаў Брэсцкай вобласці з'явілася тэма «Выбары», прычым змешчаная яна чамусьці ў раздзеле «Сацыяльная сфера».

У дадзены момант у гэтай рубрыцы змешчаны толькі паведамленні аб стварэнні раённых камісій па выбарах Прэзідэнта Рэспублікі Беларусь, іх кіруючы склад і месца размяшчэння. Таксама ёсць рашэнні райвыканкамаў аб вызначэнні месцаў, забароненых для пікетавання з мэтай збору подпісаў. Аднак інфармацыі аб самім зборы подпісаў, які цяпер у самым разгары, на афіцыйных сайтах райвыканкамаў няма. Такім чынам, можна сцвярджаць, што выканаўчая ўлада па-ранейшаму фармальна падыходзіць да асвятлення прэзідэнцкай выбарчай кампаніі.

«Праваабаронцы за свабодныя выбары»