Мінск: Актывіст ініцыятыўнай групы Саннікава аштрафаваны

Сёння, 11 кастрычніка, суд Заводскага раёна аштрафаваў Іллю Шчарбінскага за “дробнае хуліганства” - па арт.17.1 КаАП РБ. Актывіст быў затрыманы 10 кастрычніка, калі ішоў да свайго пікета са сцягам кампаніі “Еўрапейская Беларусь”.

Пра гэта паведаміла сябра ініцыятыўнай групы А.Саннікава, якая разам з калегамі ўчора цягам дня спрабавала высветліць, дзе знаходзіцца затрыманы.

- Мы абтэлефанавалі ўсе РАУСы, Акрэсціна, бальніцы. А яго, як высветлілася, трымалі ў Заводскім РУУСе і не давалі ніякай інфармацыі пра яго затрыманне, - распавяла жанчына.

Пасля суда Ілля Шчарбінскі на сувязь пакуль не выходзіў.

“Праваабаронцы за свабодныя выбары”