Старшыня Пружанскага райвыбаркама заняў пазіцыю неўмяшальніцтва

Жыхароў шматпавярховых дамоў №  95, 97 па вуліцы Берасцейскай у Камянцы зборшчыкі подпісаў за Лукашэнку папярэдзілі, што нельга больш ставіць подпісы за вылучэнне іншага кандыдата. Выбаршчыкі распавялі пра гэта сябру ініцыятыўнай групы У.Някляева Аляксею Коўтуну.

А.Коўтун звярнуўся да старшыні Пружанскай раённай выбарчай камісіі Віктара Грыцука са скаргай на тое, што сябры ініцыятыўнай групы А.Лукашэнкі парушаюць Выбарчы кодэкс. Коўтун папрасіў, каб старшыня камісіі папярэдзіў парушальнікаў. Віктар Грыцук адказаў, што гэтым займацца не будзе і параіў звяртацца ў суд.

“Праваабаронцы за свабодныя выбары”