Полацк: Зборшчыкаў подпісаў за Някляева не пусцілі ў студэнцкі інтэрнат

Вахцёр інтэрната № 2 Полацкага дзяржаўнага ўніверсітэта двойчы адмовілася пусціць у інтэрнат зборшчыкаў подпісаў за Уладзіміра Някляева.

Зборшчыкі прыходзілі ў той час, калі наведванне інтэрнату цалкам дазволена – у 12 гадзін дня і 18 гадзін вечара, паказвалі свае пасведчанні і пашпарты. Аднак вахцер усё роўна адмовілася іх пусціць, спасылаючыся на нейкі загад рэктара ўніверсітэта аб увядзенні ў інтэрнаце карантына. Дарэчы, студэнты, якія жывуць у гэтым інтэрнаце, нічога пра такі загад і карантын не чулі.

Сябры ініцыятыўнай групы Уладзіміра Някляева збіраюцца падаваць адпаведную скаргу ў наваполацкую гарадскую выбарчую камісію.

“Праваабаронцы за свабодныя выбары”