Наваполацк: “Подпіс – не голас…”

Наваполацкі гарвыканкам давёў кіраўніцтвам прадпрыемстваў і ўстаноў квоты па абавязковым зборы подпісаў за дзеючага кіраўніка дзяржавы Аляксандра Лукашэнку. Кіраўнікам дадзены  самыя жорсткія ўказанні забяспечыць выкананне адпаведных планаў.

Таксама гарвыканкамам падаюцца і рэкамендацыі, якім менавіта чынам трэба патрабаваць ад работнікаў згоды на падпісанне і як дзейнічаць пры адмове падпісвацца. Тым, хто адмаўляецца падпісваць, рэкамендавана казаць пра тое, што подпіс не абавязвае чалавека галасаваць менавіта за Аляксандра Лукашэнку, а толькі дае магчымасць таму балатавацца на новы тэрмін.

“Праваабаронцы за свабодныя выбары”