Барысаў: Прымусовы збор подпісаў за Лукашэнку

Дырэктар дзяржпрадпрыемства "Барысаўводаканал" Зароўскі В.А.. даў вусны загад, каб усе супрацоўнікі прыйшлі з пашпартамі і падпісаліся за вылучэньне ў кандыдаты на пасаду прэзідэнта Лукашенкі А.Р.

Акрамя таго, па рынках ходяць людзі, якія пад пагрозай страты працоўнага месца і розных праверак таксама зьбіраюць у іпэшнікаў подпісы за Лукашэнку.

Па інфармацыі аднаго з супрацоўнікаў мясцовага выканкаму, учора ў Барысаве адбылося закрытае паседжаньне, на якое прыехала некалькі чыноўнікаў з аблвыканкаму. Што паслужыла нагодай для яго правядзеньня, можна толькі здагадвацца, бо на паседжаньні прысутнічалі толькі абраныя асобы.