Наваполацк: Подпісы за Лукашэнку збіраюць на прадпрыемствах у працоўны час

На наваполацкім прадпрыемстве “Палімір” намеснік начальніка аддзела сацыяльнага развіцця Міхаіл Касцюк збіраў подпісы падчас працоўнага дня.

Адпаведную сітуацыю можна было назіраць і ў будаўнічай арганізацыі “Трэст № 16”. Пры гэтым людзі ставілі толькі дату і непасрэдна подпіс – пашпартныя дадзеныя і месца рэгістрацыі (былая прапіска) не прастаўляліся. Паколькі без такіх дадзеных подпісы не з’яўляюцца сапраўднымі, можна зрабіць выснову, што тыя, хто збірае подпісы за Аляксандра Лукашэнку, маюць доступ да інфармацыі з аддзела кадраў адпаведных прадпрыемстваў.

“Праваабаронцы за свабодныя выбары”