Гародня: Першыя факты прымусовага падпісання за Аляксандра Лукашэнку

У Гародні зафіксаваныя першыя факты прымусовага падпісання за Аляксандра Лукашэнку.

У дзіцячым садку №73, які знаходзіцца па вуліцы Дзяржынскага-133, тых супрацоўнікаў дашкольнай установы, якія не хочуць падпісвацца ў падтрымку цяперашняга кіраўніка дзяржавы, прымушаюць пісаць пісьмовыя тлумачэнні.  А ў дамах на вуліцы Церашковай (№38, 40, 42) сябры ініцыятыўнай групы Аляксандра Лукашэнкі хадзілі з ужо запоўненымі друкаванымі падпіснымі лістамі. Прычым, калі жыхары, унесеныя ў спісы, адмаўляліся падпісвацца за Аляксандра Лукашэнку, зборшчык подпісаў ставіў насупраць іх прозвішча пазнаку “отказ”.

Гарадзенскія незалежныя назіральнікі расцэньваюць такія праявы адміністратыўнага ціску як брутальнае парушэнне выбарчага заканадаўства і дыскрамінацыю грамадзянаў у правах.

“Праваабаронцы за свабодныя выбары”