Збор подпісаў у сталіцы. Фотафакт
Пікет Алеся Міхалевіча каля ўваходу на выставу котак. \"Які прыклад вы паказваеце дзецям?\" – з гэтымі словамі намеснік дырэктара Палацу дзяцей і моладзі Святаслаў Міхайлавіч Марусалаў адганяе сяброў ініцыятыўнай групы А.Міхалевіча далей ад будынка. А з раніцы пікет стаяў нават у холе...
З 30 верасня распачаты збор подпісаў выбаршчыкаў у падтрымку вылучэння кандыдатаў ў прэзідэнты. Падчас прагулкі па Менску гараджане могуць сустрэць сяброў ініцыятыўных групаў прэтэндэнтаў на прэзідэнцкую пасаду ў розных месцах, не забароненых для пікетавання мясцовымі ўладамі.
Нагадаем, што паводле “Каляндарнага плана арганізацыйных мерапрыемстваў па падрыхтоўцы і правядзенні выбараў Прэзідэнта Рэспублікі Беларусь”, зацверджанага Цэнтральнай камісіяй, збор подпісаў выбаршчыкаў будзе праходзіць да 29 кастрычніка ўключна.
“Праваабаронцы за свабодныя выбары”
