Брэст: Сябра абласной камісіі выйшаў са складу ініцыятыўнай групы Яраслава Раманчука
Сябра Аб'яднанай грамадзянскай партыі Сяргей Магонаў, які пражывае ў вёсцы Вялікія Лепесы Кобрынскага раёна, выступіў з заявай, у якой паведаміў пра рашэнне спыніць сваё сяброўства ў ініцыятыўнай групе па вылучэнні кандыдатам у прэзідэнты РБ намесніка старшыні АГП Яраслава Раманчука.
Сваё рашэнне юрыст Сяргей Магонаў матываваў уключэннем у склад Брэсцкай абласной тэрытарыяльнай камісіі па выбарах прэзідэнта Беларусі. "Мой удзел у ініцыятыўнай групе, хоць гэта і не забаронена Выбарчым кодэксам, можа непажаданым чынам перасякацца з маёй працай у дадзенай камісіі. Па гэтай прычыне я прыняў рашэнне прыняць прэвентыўныя меры да прадухілення спрэчных сітуацый шляхам спынення сяброўства ў ініцыятыўнай групе, каб нішто не перашкаджала мне поўна, бесстаронне і незалежна выконваць абавязкі сябра камісіі", - гаворыцца ў заяве Магонава.
Ён таксама папрасіў Цэнтравыбаркам выключыць яго з ініцыятыўных груп трох іншых
прэтэндэнтаў на пост прэзідэнта краіны, куды яго ўнеслі без дазволу.
"Праваабаронцы за свабодныя выбары"
