У Жодзіне за распаўсюд газеты “Тут і цяпер” затрыманы моладзевы актывіст

27 верасня ў 21 гадзіну ў Жодзіне ў пад'ездзе шматпавярховага дому нарадам міліцы быў затрыманы і дастаўлены ў Жодзінскі ГАУС моладзевы актывіст Андрэй Зубра. Нагодай для затрымання была названа неабходнасці высвятлення асобы.

Андрэя пратрымалі ў аддзяленні міліцыі 3 гадзіны і адпусцілі. За гэты час у яго ўзялі пісьмовыя тлумачэнні па факце знаходжання ў яго незалежных друкаваных матэрыялаў і склалі пратакол аб выманні 216 асобнікаў газеты "Тут і цяпер".

Як паведаміў Андрэй Зубра, супрацоўнікі міліцыі званілі ягоным бацькам, а назаўтра ўжо пра інцыдэнт з затрыманнем ведала і ягонае кіраўніцтва на працы.