Мазыр: Праваабаронца наракае на абмежаванасць інфармацыі пра выбарчы працэс

27 верасня мазырскі праваабаронца Уладзімір Целяпун, удзельнік кампаніі  “Праваабаронцы за справедлівыя выбары”, меў сустрэчу з кіраўніком справамі Мазырскага райвыканкаму М. Пашынскім .

Нагодай для візіта праваабаронцы з’явілася  немагчымасць яго прысутнасці  на сумесным паседжанні членаў райвыканкама і Прэзідыума райсавета па ўтварэнні Мазырскай раёнай выбарчай камісіі па выбарах прэзідэнта - з-за абмежавай інфармаванасці грамадства аб месцы і часе паседжання. Абвесткі з’явіліся толькі у апошні момант  і  ў кутку фае райвыканкама. У выходны дзень датэлефанавацца да дзяжурнага таксама было праблемна.

Спадар Целяпун прапанаваў выкарыстоўваць для аператыўнай інфармаванасці грамадства магчымасці сайта райвыканкама. Тым больш, што на сайце ёсць банер “Выбары Презідэнта Рэспублікі Беларусь”.

Кіраўнік справамі станоўча паставіўся да прапановы праваабаронцы. Як супрацоўнікі райвыканкаму будуць выкарыстоўваць сучасныя тэхналогіі  інфармавання грамадства – пакажа час.

“Праваабаронцы за свабодныя выбары”