Бабруйскі раён: Камісіі не сфармаваныя, а падлікі ідуць?

У Бабруйскім раёне чыноўнікі вядуць падлікі, каб у выніку на тым ці іншым участку змог перамагчы “патрэбны” кандыдат. Аб гэтым бабруйскім праваабаронцам распавяла жыхарка раёну Т. (не называем яе імя па зразумелых прычынах).

– Ніхто ў нас не сумняваецца ў тым, што ў камісіях будуць сядзець тыя ж самыя людзі, што і на мясцовых, і на парламенцкіх выбарах. Вось гэтым людзям і прыйшоў загад, каб яны ўсё пралічылі і выйшлі ў выніку на неабходны працэнт. Размова ідзе пра сітуацыю, калі кожны ўчастак будзе імкнуцца да вызначанай лічбы, якая пойдзе на карысць пэўнаму кандыдату.  

“Праваабаронцы за свабодныя выбары”