Ворша: Прадстаўнікі апазіцыі вылучаюцца ў тэрытарыяльныя камісіі
Прадстаўнікі палітычных партый, грамадскіх арганізацый, груп грамадзянаў вылучаюцца ў тэрытарыяльныя камісіі ў Аршанскім рэгіёне.
Савет Аршанскай гарадской арганізацыі Аб'яднанай грамадзянскай партыі вылучыў ў гарадскую камісію сябра партыі Аляксандра Крывіцкага.
Аршанскае моладзеваее грамадскае аб'яднанне “Звяз” вылучыла ў тую ж камісію Аляксандра Шутава. Адзінаццаць жыхароў Воршы падпісаліся за вылучэнне ў склад камісіі Сяргея Трафімава.
Ёсць вылучэнні і ў склад Аршанскай раённай камісіі: Мінай Карніенка вылучаны ў яе склад ад аддзялення партыі «Справядлівы свет».
Вылучэнне ў склад камісіяў у бліжэйшы час плануюць ажыццявіць Аршанскія гарадское і раённае аддзяленні Беларускай сацыял - дэмакратычнай партыі «Грамада».
Апошнім днём вылучэння прадстаўнікоў у склад тэрытарыяльных камісіяў з'яўляецца 26 верасня, аднак гэты дзень прыпадае на нядзелю, таму большасць арганізацый плануе накіраваць пратаколы па вылучэнні не пазней пятніцы.
«Праваабаронцы за свабодныя выбары»
