У сьпісе затрыманых – будучы кандыдат у прэзідэнты Беларусі

Сёняшняя акцыя ў абарону касьцёла Сьвятога Язэпа і кляштара бернардынак прайшла па звыкламу сцэнару: перад пачаткам акцыі пераапранутыя амапаўцы затрымлівалі на падыходзе знаёмых ужо ў твар актывістаў. Іх размясьцілі ў трох аўтобусах, якія стаялі паасобку адзін ад аднаго.

Сярод затрыманых:

Віталь Рымашэўскі,

Павал Севярынец,

Кастуль Шыталь,

Уладзь Яроменак,

Мікола Дземідзенка,

Зміцер Каспяровіч,

Франак Вячорка,

Наста Мурашка.

Іх адвезлі ў накірунку  РУУСа Цэнтральнага раёна Менска. Касьпяровіча, Дземідзенку і Яроменку адвезлі да Нацыянальнай бібліятэкі і адпусьцілі.

Падаецца, што беларускім спецслужбоўцам няма больш чым займацца, як паляваць на ўласных грамадзян, якія намагаюцца аднаго толькі – зьберагчы духоўную сьвятыню, якую бяздарныя чынушы мараць перабудаваць у гатэлік для турыстаў.