У Гомелі невядомыя асобы без пашпартоў займаюцца зборам подпісаў за Лукашэнку

Як стала вядома Праваабарочаму цэнтру «Вясна», 20 студзеня ў Гомелі на заводзе пускавых рухавікоў імя Панамарэнкі зборам подпісаў за вылучэньне Лукашэнкам займалася жанчына з пасьведчаньнем сябры ініцыятыўнай групы, выпісаным на імя “Сьвятланы Жарынай”, але без пашпарту. Гэта высьвелілася, калі адзін з патэнцыйных падпісантаў, вырашыў праверыць асобу зборшчыцы подпісаў. Пашпарт яна прадставіць не здолела, і адразу сыйшла ў суправаджэньні намесьніка дырэктара прадпрыемства.