Салігорск: Тэрытарыяльная камісія выдаліла назіральніка Леаніда Мархотку

Назіральніка Леаніда Мархотку выдалілі з паседжаньня Салігорскай раённай тэрытарыяльнай выбарчай камісіі.

У 20 гадзін, калі сябры камісіі сабраліся для прыёму дакументаў з участковых камісій з вынікамі галасавання, старшыня камісіі Якімовіч загадаў назіральніку пакінуць памяшканьне тэрытарыяльнай камісіі і паведаміў, што яго паклічуць непасрэдна на паседжанне камісіі, якое пачнецца ў 00-00.

Спаслаўшыся на арт. 13 Выбарчага Кодэксу, згодна якому выбары праходзяць адкрыта і галосна,  Мархотка адмовіўся выканаць загад старшыні.

Выкліканы нарад міліцыі вывеў назіральніка з будынка Салігорскага райвыканкама, дзе месціцца тэрытарыяльная камісія.