Масты: Давераную асобу кандыдата камісія не пусціла на выбарчы ўчастак

У Мастах (Гарадзенская вобласць) участковая камісія не пусціла на Кастрычніцкі выбарчы ўчастак №2 Аляксандра Пудаўкіна,  давераную асобу кандыдата ў дэпутаты Мастоўскага раённага савету Аляеся Зарэмбюка. Кіраўніцтва ўчастковай камісіі выявіла некампетэнтнасць, сказаўшы, што Аляксандар Пудаўкін не мае права прысутнічаць на ўчастку. Давялося Пудаўкіну, дарэчы, былому дэпутату раённага савета, звяртацца ў раённую тэрытарыяльную камісію. Толькі пасля гэтага ён атрымаў магчымасьць назіраць за працэсам галасавання.

“Праваабаронцы за свабодныя выбары”