“Няправільных” сяброў акруговай і раённай камісіі адпраўляюць у дзень выбараў… на кухню

У Верхнядзвінску двух сяброў Беларускай сацыял-дэмакратычнай партыі “Грамада”, якія ўвайшлі ў склад акруговай і раённай камісій, вырашана адправіць працаваць у дзень выбараў… на кухню. Іх працай павінна стаць забеспячэнне астатніх сябраў камісіі харчаваннем.

Спадарыні Святлана Атаманская (Верхнядзвінская раённая камісія) і Людміла Сандар (акруговая выбарчая камісія Верхнядзвінскага выбарчай акругі № 3) збіраюцца аспрэчваць дадзенае рашэнне, паколькі яно зводзіць на нішто іх магчымасць удзельнічаць у рэальным працэсе выбараў і падвядзенні вынікаў галасавання.

“Праваабаронцы за свабодныя выбары”