«Белсаюздрук» ліквідуюць

Прадпрыемства "Белсюздрук" аб'ядноўваюць з "Мінгарсаюздрукам". Гэтую інфармацыю ГА "Беларуская асацыяцыя журналістаў" пацвердзілі сёння па тэлефоне супрацоўнікі РУП "Белсаюздрук". Кіраваць "аб'яднаным" утварэннем будзе цяперашні дырэктар УП "Мінгарсаюздрук" Ігар Дудзіч, а кіраўнік "Белсаюздруку" Міхаіл Падгайны працаваць у ім наогул не будзе.

Такім чынам, цяпер у Беларусі будуць функцыянаваць прадпрыемствы "Мінгарсаюздрук", "Мінаблсаюздрук", "Брэстаблсаюздрук", "Віцебскаблсаюздрук", "Гомельаблсаюздрук", "Гроднааблсаюздрук", "Магілёўаблсаюздрук". Усе прадпрыемствы "Саюздруку" ўваходзяць у сістэму Міністэрства інфармацыі, паведаміла прэс-служба БАЖ.