Мінская вобласць: Здаволена адна скарга з шасці

Як паведаміў газеце “Мінская праўда” старшыня Мінскай абласной выбарчай камісіі Аляксей Васільеў, усяго ў абласную камісію паступіла шэсць скаргаў на нерэгістрацыю ў якасці кандыдатаў у дэпутаты мясцовых саветаў. Але толькі адна скарга  -- барысаўчанкі Тамары Каважэнкі - была здаволеная.

Барысаўская раённая тэрытарыяльная камісія не зарэгістравала яе за тое, што яна не ўказала ў дэкларацыі аб прыбытках зямельны ўчастак. Абласная камісія пагадзілася з аргументамі заяўніцы, якая растлумачыла, што ўчастак перададзены ёй рашэннем гарсавета ў пажыццёвае карыстанне, а не ва ўласнасць.

Чатыры скаргі абласная камісія пакінула без задавальнення, а пятую -- Дзмітрыя Трыгуба, які скардзіўся на дзеянні Міхнавичскай тэрытарыяльнай камісіі, не якая зарэгістравала яго ў якасці кандыдата ў дэпутаты сельсавета - перанакіравала ў выбарчую камісію Мінскага раёна.

“Праваабаронцы за свабодныя выбары”