Ленінская раённая пракуратура Горадні будзе праводзіць праверку па факце выхаду ў Польшчы часопісу “Magazyn Polski” і газэты “Glos znad Niemna” ў эміграцыі”.

6 сьнежня дахаты да галоўнага рэдактара часопіса “Magazyn Polski” Андрэя Пачобута прыходзіў участковы міліцыянт, каб узяць тлумачэньні. Журналісту даслалі заказным лістом позву ў пракуратуру, але ён ня можа атрымаць ліст, бо ня мае пашпарту, які забралі памежнікі. Міліцыянт патлумачыў, што з заявай наконт часопіса і газэты ў пракуратуру зьвярнуўся Камітэт па справах рэлігій і нацыянальных меншасьцяў, паведаміла «Радыё Свабода”.