З беларускімі незалежнымі выданьнямі працягваюць скасоўваць дамовы на распаўсюд праз дзяржаўныя сеткі

Баранавіцкі раённы вузел паштовай сувязі (РВПС) адмовіўся працягваць дамовы на распаўсюд і дастаўку недзяржаўных газет "Intex-press" і "Мясцовы час" у 2006 г. Пра гэта гаворыцца ў афіцыйным лісце, які атрымаў дырэктар ТАА "Выдавецкі дом "Інтэкс-прэс" Уладзімір Янукевіч ад начальніка РВПС Сташынскага. Ліст датаваны 30-м лістапада.

Як паведаміла прэс-служба БАЖу, 2 сьнежня галоўны рэдактар недзяржаўнай "Газеты Слонімскай" Віктар Валадашчук даведаўся, што Ваўкавыскае міжраённае аддзяленне (МРА) "Гроднааблсаюздрук" не збіраецца заключаць дамовы на рэалізацыю яго выдання праз сетку кіёскаў аддзялення. Афіцыйнае паведамленне на гэты конт яму даслаў начальнік Ваўкавыскага МРА С. Дзярэчык.