Баранавіцкая пракуратура заняла пазіцыю “паштальёна”
Здание Баранавичской районной прокуратуры
Баранавіцкая пракуратура ўхіляецца ад выканання сваіх абавязкаў. Менавіта да такой высновы прыйшоў назіральнік Сяргей Гоўша.
Мы паведамлялі, што назіральнік Сяргей Гоўша 17.02.2010г. чарговы раз накіраваў зварот у пракуратуру горада Баранавічы аб парушэнні выбарчага заканадаўства. У гэтай заяве сцвярджалася, што рашэннем Баранавіцкага гарвыканкама парушаліся правы грамадзян падчас збору подпісаў ініцыятыўнымі групамі для вылучэння кандыдатаў у дэпутаты мясцовага Савета. Аднак пракурор горада І.Л. Палыка не адказаў па сутнасці заявы, а перанакіраваў яе для адказу ў Баранавіцкі гарвыканкам.
Наступная заява 10.03.2010г. назіральніка аб парушэнні тэрміну адказу Баранавіцкім гарвыканкамам на зварот Сяргея Гоўшы ў адпаведнасці з арт. 49-1 Выбарчага кодэксу была і на гэты раз перанакіравана для разгляду і прыняцця рашэння да парушальнікаў закону па сутнасці ў Брэсцкі аблвыканкам.
Такім чынам, пракуратура заняла пазіцыю “паштальёна”, пераадрасоўваючы заявы грамадзянаў на парушэнне выбарчага закону ў іншыя інстанцыі, не даючы ацэнку па сутнасці.
“Праваабаронцы за свабодныя выбары”
