У Мінску рабочыя мотавелазаводу на паўтары гадзіны перакрылі Партызанскі праспект

Некалькі соцень рабочых мотавэлазаводу правялі акцыю пратэсту ля прахадной свайго прадпрыемства – на паўтары гадзіны яны перакрылі рух па Партызанскім праспекце. Рабочыя адмыслова падкрэсьлівалі, што іх акцыя носіць непалітычны характар.

Паводле актыўных удзельнікаў акцыі пратэсту, усяго забаставала каля шасьцісот чалавек, гэта каля 20% рабочых Менскага мотавэлазаводу.

Паўтары сотні зь іх выйшлі на праезную частку Партызанскага праспэкту, скандуючы адно слова: “Зарплату!”, “Зарплату!”