Барысаў: Ананімка ў раённай газеце “Каму дэпутацкі мандат, а каму грошыкі”

У суботнім нумары (6 сакавіка) газеты барысаўскай раённай вертыкалі “Адзінства” з'явіўся артыкул пад інтрыгуючай назвай “Каму дэпутацкі мандат, а каму грошыкі”. Артыкул не падпісаны, замест подпісу стаяць тры словы – “Па матэрыялах друку”.

Размова ў газетным матэрыяле ідзе не аб барысаўскіх рэаліях, таму можна выказаць здагадку, што тэкст спушчаны “зверху”. Ананімны аўтар выкрывае  кааліцыю “Новае пакаленне”, у якую ўвайшлі лідэры дзевяці апазіцыйных моладзевых арганізацый (“Малады фронт”, “Моладзь БНФ”, “Джынс”, “Правы альянс”, “Вольная моладзь” і інш.).

Галоўная выснова апублікаванага ў раённай газеце тэксту:  “Новае пакаленне” створана напярэдадні выбараў у мясцовыя органы ўлады і прэзідэнта краіны з адзінай мэтай - атрымаць грошы ў нейкіх заходніх фундатараў.

“Праваабаронцы за свабодныя выбары”