Звольнены прафсаюзны актывіст вылучаецца кандыдатам у дэпутаты

Прадстаўнік прафсаюзу радыёэлектроннай прамысловасці (РЭП) па Менскай вобласці Мікалай Пахабаў паведаміў, што, прынамсі, дзевяць сяброў незалежнага прафсаюзу будуць спрабаваць зарэгістравацца кандыдатамі ў дэпутаты мясцовых Саветаў 26 склікання ў сталічнай вобласці шляхам збору подпісаў.

Найбольшая колькасць патэнцыйных кандыдатаў - чатыры - збіраюць подпісы ў Жодзіна. Сярод іх прафсаюзны актывіст РЭП Юры Лобан, чыё звальненне ў канцы мінулага году з Беларускага аўтамабільнага заводу і акцыі ў яго падтрымку выклікалі вялікі рэзананс у сродках масавай інфармацыі ў Беларусі і за яе межамі.

Генеральны сакратар Міжнароднай Федэрацыі металістаў (МФМ) Юркі Райна звярнуўся да прэзідэнта Беларусі Аляксандра Лукашэнкі з лістом, у якім утрымлівалася просьба прыняць меры з нагоды непадаўжэння кантракту з прафсаюзным актывістам.

Тым не менш, пяцігадовы кантракт з Лобаном не быў падоўжаны, нягледзячы на наяўнасць падазяк, адсутнасць заўвагаў і малалетнюю дачку.

“Праваабаронцы за свабодныя выбары”