Барысаўскую раённую камісію ўзначаліў супрацоўнік выканкаму
У газеце барысаўскай раённай вертыкалі "Адзінства" 3 лютага з'явілася чарговая інфармацыя на тэму выбараў. Апублікавана рашэнне выбарчай камісіі №2 ад 1 лютага 2010 года "Аб стварэнні выбарчых акруг па выбарах дэпутатаў у Барысаўскі раённы Савет дэпутатаў 26 склікання".
Нічога прынцыпова новага ў параўнанні з выбарамі Савету 25-го склікання ў рашэнні няма. Створаны 34 выбарчыя акругі, з 27 размешчаны на тэрыторыі горада, і яшчэ сем на тэрыторыі сельсаветаў Барысаўскага раёна.
З публікацыі становіцца зразумела, хто быў абраны старшынёй, а хто - сакратаром раённай камісіі на першым яе паседжанні. Як і меркавалася, узначалілі камісію неаднаразова правераныя ў самых розных выбарчых кампаніях людзі.
Старшынёй абраны намеснік начальніка аддзела адукацыі Барысаўскага райвыканкама Мікалай Зелянкевіч (вылучыўся шляхам збору подпісаў грамадзянаў), а сакратаром - бібліятэкар сярэдняй школы №11 гораду Таццяна Стасава.
"Праваабаронцы за свабодныя выбары"
