Палітзьняволены Валеры Леванеўскі падаў заяву ў Івацэвіцкі раённы суд.

Валеры Леванеўскі лічыць, што адміністрацыя калёніі яму не даплаціла і просіць спагнаць з папраўчай калёніі N22 “Воўчыя норы” 481 тысячу рублёў, паведаміла радыё Свабода.

Вязень вырашыў падаць заяву ў суд пасьля таго, як даведаўся з матэрыялаў праверкі Бярозаўскай міжраённай інспэкцыі працы, што за ліпень і жнівень яму нібыта пазначылі агулам толькі 82 гадзіны працы. Паводле Валерыя Леванеўскага, ён працуе штодня, без выхадных прыбіральшчыкам у мэдычнай часьці калёніі, спалучаючы абавязкі санітара ды іншыя. Тым часам за два месяцы яму налічылі толькі 58 тысяч рублёў.