Міністэрства юстыцыі вярнула БХД дзяржпошліну за нездзейсненую рэгістрацыю партыі
https://spring96.org/be/news/30005
2009
2009-10-15T18:02:47+0300
2009-10-15T18:02:47+0300
1970-01-01T03:00:00+0300
be
https://spring96.org/files/images/sources/bhd4.jpg
Адной з падставаў для адмаўлення судом у рэгістрацыі БХД была бюракратычная блытаніна. Дзяржпошліна была ўплочаная правільна, але не па віне БХД залічаная не на патрэбны рахунак.
- Паколькі нас не зарэгістравалі, мы вырашылі не дарыць грошы дзяржаве і звярнуліся ў Міністэрства юстыцыі з тым, каб уплочаную дзяржпошліну нам вярнулі.
Пасля двух тыдняў разгледжання мы атрымалі ад Мінюста станоўчы адказ і падатковая інспекцыя пералічыла на рахунак БХД тыя 1 мільён 750 тысячаў рублёў, - паведаміў адказны сакратар БХД Дзяніс Садоўскі.
Нагадаем, 31 кастрычніка БХД праводзіць паўторны ўстаноўчы з’езд і зноў будзе падаваць дакументы на рэгістрацыю партыі “Беларуская Хрысціянская Дэмакратыя”.
